كشانه‌وه‌ی ئه‌مریكا له رێككه‌وتننامه ئه‌تۆمیه‌كه كاردانه‌وه‌ی لێكه‌وته‌وه
ئیسرائیل و سعودیه پشتیوانی له بریاره‌كه‌ی دۆناڵد تره‌مپ ده‌كه‌ن
به‌ریتانیاو فه‌ره‌نساو ئه‌لمانیا: پابه‌ند ده‌بین به رێككه‌وتننامه ئه‌تۆمیه‌كه‌وه
بڕیاره‌كه‌ی دۆناڵد تره‌مپ، بۆ كشانه‌وه‌ی ئه‌مریكا له رێككه‌وتننامه‌ی ئه‌تۆمیه‌كه له‌سه‌ر ئاستی نێوده‌وڵه‌تی كاردانه‌وه‌ی لێكه‌وته‌وه.
هه‌ریه‌ك له سعودیه‌و ئیسرائیل، پشتیوانی خۆیان بۆ هه‌ڵوێسته‌كه‌ی ئه‌مریكا راگه‌یاند: سعودیه پێشوازی له هه‌نگاوه‌كه‌ی ئه‌مریكا كرد و بنیامین نه‌تانیاهۆ، سه‌رۆك وه‌زیرانی ئیسرائیلیش سوپاسی دۆناڵد تره‌مپی كرد و بڕیاره‌كه‌شی به بڕیارێكی مێژووی وه‌سف كرد.
له به‌رامبه‌ریشدا هه‌ریه‌ك له تێریزا مه‌ی سه‌رۆك وه‌زیرانی به‌ریتانیا و ئه‌نگیلا مێركل، راوێژكاری ئه‌ڵمانیا و ئیمانوێل ماكرۆن، سه‌رۆكی فه‌ره‌نسا، له به‌یاننامه‌یه‌كی هاوبه‌شدا رایانگه‌یاند، كه پابه‌ند ده‌بن به رێكه‌وتننامه‌كه‌وه.
خوێندراوەتەوە296