تاڤگە سابیر
د. ئیسماعیل نامیق
دانا عهبدولكهریم
ئارام جەمال
ئاههنگی پشتیوانی گۆڕانخوازان بۆ لیستی 142ی گۆڕان و 183ی نیشتمان
سلێمانی.. بازاڕی گژوگیا بەهارییەكان
ئەندازیارێكی ئوستڕاڵی بە ئامێرێكی ناوازەی مۆسیقیەوە بە وڵاتاندا دەگەڕێت
وان: پێشبڕكێی ههڵبژاردنی جوانترین پشیله
دهۆک: تیمێکی ئەڵمانیی چەند شوێنەوارێکی دێرین دەدۆزێتەوە
ئەو دەنــگانەی هەرگیز هــاک ناکرێ
پزیشکه‌کان بڕوایان وایه نابێت ده‌ست له‌و برینانه بده‌ین که چاره‌سه‌ریان نیه، بێ دوودڵی ئه‌م ئاگادارکرنه‌وه‌یه‌یان راسته، به‌ڵام ره‌نگه نابه‌جێ بێت ئه‌گه‌ر ئامۆژگاری نه‌ته‌وه‌یه‌ك بێت که هه‌ستیاری خۆی سه‌باره‌ت به ده‌ردو و نه‌خۆشیه کوشنده‌که‌ی له ده‌ست دابێت. وه‌رن بگه‌ڕێین تا تێبگه‌ین که چۆن مه‌یلی گۆێڕایه‌ڵی و ملکه‌چی له‌نێو میلله‌ت ریشه‌ی داکوتاوه .ئه‌وانی که له رێگه‌ی شه‌ڕه‌وه ده‌گه‌نه ده‌سه‌ڵات ئه‌وه‌نده ژیرانه هه‌ڵسوکه‌وت ده‌که‌ن که هیچ که‌سێك گومانیان لێ ناکات ئه‌وان به‌ناوی حکومه‌تی هه‌رێم سه‌رزه‌مینێکیان داگیرکرددووه و فه‌رمانڕه‌وایی به‌سه‌ردا ده‌که‌ن. ئه‌وانه‌ی له بنه‌ماڵه‌ی خێڵه‌کی دێنه دنیاوه هیچیان که‌متر نییه له زۆرداره‌کانی دی، چونکه له مه‌مکی سته‌مکاریه‌وه شیریان خواردووه و له‌گه‌ڵ ئه‌م شیره‌شدا خه‌سڵه‌تگه‌لی زۆردارێکیان به میرات بۆ به‌جێ ماوه، ئه‌مانه وه‌ها سه‌یری مرۆڤ ده‌که‌ن که کۆیله‌ی ئه‌وان بن. له‌ڕووی خووڕه‌وشت و ته‌بعی شه‌خسی و تاکه که‌سیشه‌وه جا ده‌ستکراوه بن یان پیسکه ته‌ختی ده‌سه‌ڵات و حکومه‌تیان به به‌شێك له سامانی شه‌خسی خۆیان ده‌زانن. هه‌رکاتێك مێژووی میلله‌ته‌که‌م ده‌خوێمنه‌وه ناتوانم جڵه‌وی توڕه‌ی و هه‌ڵچوونی خۆم بگرم، له‌به‌ر ئه‌و دڕندایه‌تیه‌ی له نێوانیان ریشه‌ی داکوتیوه، به‌ڵام دڵنیام گشت مرۆڤه‌کان تا ئه‌و کاته‌ی به مرۆڤ ده‌مێننه‌وه، واته تاپێش ئه‌وه‌ی خۆیان به ده‌ست کۆت و به‌نده‌وه ده‌ده‌ن ئه‌گه‌ری ئه‌وه هه‌یه یان به‌زۆر یان به فێڵ و ته‌ڵه‌که‌بازی به کۆت و داوی ده‌سبه‌ریه‌وه ده‌بن، یاخود ده‌که‌ونه ژێر کۆنترۆڵی ئه‌و زۆرداره یان ده‌سته سیاسیه‌کانه‌وه هه‌ر به‌و شێوه‌یه‌ی که به‌ڕێوبه‌رایه‌تی هه‌رێمی کوردستان ده‌که‌ن، کا‌تێک به فێڵ و ته‌ڵه‌که‌بازی ئازادی میلله‌ت زه‌ووت ده‌که‌ن، به‌ڵام به نه‌زانی خۆیان زیانیان پێ ده‌که‌وێت، ئه‌گه‌رچی له‌و زیانه بێ ئاگان. باوه‌ڕناکرێت کاتێك یه‌ك میلله‌ت ده‌بێته فه‌رمانبه‌ر چه‌نده زووئازادی خۆی بیرده‌چێته‌وه و به‌جۆرێك له‌یادی ده‌چێته‌وه که ئیدی هه‌رگیز رێگه به‌خۆی نادا جارێكی دی بیری لێ بکاته‌وه ، ئه‌وه‌نده‌ش ئاسان ساده و به‌که‌ماڵی مه‌یله‌وه ملکه‌چ ده‌بێ که هه‌ر چاودێرێک وا هه‌ست ده‌کات ئه‌مانه زیاتر له‌وه‌ی شتێکیان به‌ناوی ئازادیه‌وه له ده‌ست دابێت، به شێوه‌یه‌کی تر به‌ناوی کۆیله‌تیه‌وه به‌ده‌ست هێناوه ڕاسته به‌ستنه‌وه‌ی مرۆڤه‌کان له سه‌ره‌تادا کارێکی قورس و سنووداره بووه به‌جۆرێك که پێویست ده‌کات زه‌بروزۆری تیادا پیاده بکرێت، وه بۆ نه‌وه‌ی دواتر به‌ئاسانی ملکه‌چ ده‌بێت ئه‌م ملکه‌چیه له‌سه‌ر شێوه‌ی باب و باپیرانی خۆی وه‌ك شتێکی سروشتی بۆ ماوه‌ته‌وه. هه‌ر له‌به‌ر ئه‌م هۆیه‌شه زۆرینه‌ی ئه‌و مرۆڤانه‌ی له سایه‌ی کۆت و به‌نددا له دایک ده‌بن و سایه‌ی هه‌مان کۆت و به‌نددا په‌روه‌رده و گه‌وره ده‌بن و خوو به کۆیله‌تیه‌وه ده‌گرن، ئه‌و باره‌یان به‌ته‌واوی له‌لا ئاسایی و بێ که‌موکوڕی دێته به‌رچاو. ئه‌م مرۆڤانه له مافی خۆیان ئاگادار نین و شێوازێکی دیکه‌ی حکومه‌تکردن نا ناسن و ئه‌و هه‌لومه‌رجانه‌ی که تێیاندا هاتوونه‌ته دونیاوه به‌ته‌واوی به‌سروشتی ده‌زانن. هه‌ڵبه‌ته نه‌وه‌ی داهاتوو به‌رده‌وام خاڵه لاواز و گوشه تاریکه‌کانی ژیان و په‌یوه‌ندییه‌کانی باب و باپیرانیان مشتوماڵ ده‌که‌ن،ئه‌وان فێربوون ژه‌هری کۆیله‌تی بنۆشن و خوو به‌تاڵیه‌که‌یه‌وه بگرن ناتوانن نکۆڵی له‌وه بکه‌ن. له‌گه‌ڵ ئه‌مه‌شدا پێویسته دان به‌وه‌دا بهێنین که ده‌سه‌ڵاتی نه‌ریت و خووپێوه‌گرین زۆر زیاتره له ده‌سه‌ڵاتی سروشتی، چونکه خه‌سڵه‌ته خۆڕسکه‌کانی مرۆڤ، خه‌سڵه‌ته باشه‌کانی، یان به‌د و ناشرینه‌کانی ئه‌گه‌ر په‌روه‌رده نه‌کرێن، له ناوده‌چن. ئه‌گه‌ر سته‌مکاری له‌ژێر کاریگه‌ری هۆکاری وه‌ك خووپێوه گرتن و زه‌بر یاخود هه‌ڵخه‌ڵه‌تاندن پرۆپاگه‌نده له کۆمه‌ڵگادا سه‌قامگیر بووه ریشه‌کێشی بکه‌ین چۆن ده‌کرێ خه‌ڵک بڕوای ئه‌وه‌ی لا دروست بکرێت که بۆ له‌ناوبردنی سته‌مکاری پێویسته ره‌زامه‌ندی خۆیانی لێ بستێننه‌وه؟ نابێت مرۆڤاکان به ئاسانیش هه‌ڵناخه‌ڵه‌تێن. ئه‌و حکومه‌ته هه‌میشه مه‌ترسیی هه‌یه له ئه‌وانه‌ی که خۆشه‌ویستیان بۆ ئازادی میلله‌ته‌که‌یان هه‌یه.