ئه‌وروپا؛ مانگی داهاتوو بزوتنه‌وه‌ی ئیتای جودایخواز خۆی هه‌ڵده‌وه‌شێنێته‌وه
ته‌له‌فزیۆنی ئی تی بی بڵاویكرده‌وه، سه‌ره‌تای مانگی داهاتوو بزوتنه‌وه‌ی ئیتای جواداییخوازی هه‌رێمی باسك هه‌ڵوه‌شاندنه‌وه‌ی ته‌واوه‌تی خۆی راده‌گه‌یه‌نێت.
مانگی شوباتی رابردووش رۆژنامه‌ی گارا رایگه‌یاند، سه‌ركرده‌كانی بزوتنه‌وه‌ی ئیتا داوا له ئه‌ندامه‌كانی ده‌كات به‌ده‌نگدان ئه‌وه یه‌كلایی بكه‌نه‌وه ئایا پێویسته له‌مانگی هاویندا بزوتنه‌وه‌كه به ته‌واوه‌تی خۆی هه‌ڵبوه‌شێنێته‌وه یان نا.
بزوتنه‌وه‌ی باسكی جوداییخواز نزیكه‌ی 50 ساڵ خه‌باتی چه‌كداریی كرد به‌مه‌به‌ستی دروستكردنی ده‌وڵه‌تی سه‌ربه‌خۆی باسك كه دابه‌شبوه به‌سه‌ر باكوری ئیسپانیا و باشوری ڕۆژئاوای فه‌ره‌نسادا.
بزوتنه‌وه‌ی ئیتای جوداییخواز 2011 بڕیاری ئاگربه‌ستی راگه‌یاندو ساڵێك له‌مه‌وبه‌ریش چه‌كه‌كانی راده‌ستكرد.
خوێندراوەتەوە493