وه‌زیری ده‌ره‌وه‌ی ئه‌ڵمانیا: ناكرێت ئه‌سه‌د به‌شێك بێت له‌چاره‌سه‌ره‌كانی سوریا
هایکۆ ماس، وەزیری دەرەوەی ئەڵمانیا پێی وانیە ئەو کەسەی کە چەکی کیمیایی دژی گەلەکەی بەکارهێناوە بەشێک بێت لە پڕۆسەی چاره‌سه‌ر له‌سوریا.
ماس پێش ئامادەبوونی لە کۆبوونەوەکەی نێوان وەزیرانی دەرەوەی ئەندامانی یەکێتی ئەوروپادا بە ڕۆژنامەنووسانی وت، چارەسەرێک دەبێت کە هەموو ئەوانە بەشداری تێدا بکەن کە دەسەڵاتیان هەیە لە ناوچەکەدا.
هه‌روه‌ها وتیشی، ناکرێت کەس پێی وابێت ئەو کەسەی کە چەکی کیمیایی لەدژی گەلەکەی بەکاردەهێنێت بەشێک بێت لەو چارەسەرە.
ئاماژه‌ی بۆ ئه‌وه‌شكرد، ململانێکانی سوریا پێویستیان بە چارەسەرێکە کە لەڕێی دانوستانەوە بدۆزرێتەوە لەنێوان هەموو هێز و لایەنەکانی ناوچەکەدا.
خوێندراوەتەوە147