به‌ریتانیا؛ ئه‌و گازه‌ی سكریپال و كچه‌كه‌ی پێ ژه‌هراویكراوه دروستكراوی روسیایه
حكومه‌تی روسیا گوێ به هیچ یاسایه‌كی نێوده‌وڵه‌تی نادات
رێكخراوی قه‌ده‌غه‌كردنی چه‌كی كیمیایی رایده‌گه‌یه‌نێت ئه‌و گازه‌ی سكریپال و كچه‌كه‌ی پێ ژه‌هراویكرا دروستكراوی روسیابووه،ئه‌م راگه‌یاندنه‌ش لێكۆڵینه‌وه‌ی حكومه‌تی به‌ریتانیایه له‌باره‌ی روداوه‌كه دووپاتده‌كاته‌وه.
رێكخراوی قه‌ده‌غه‌كردنی چه‌كی كیمیایی كه باره‌گاكه‌ی هۆڵه‌ندایه له به‌یاننامه‌یه‌كدا بڵاویكرده‌وه، ئه‌نجامی پشكنینی خوێنی سكریپاڵ و كچه‌كه‌ی ده‌ریخستووه ئه‌و ماده‌یه‌ی سێرگێی سكریپاڵ و كچه‌كه‌ی پێ ژه‌هرخوارد كراوه، دروستكراوی روسیایه.
پێشتریش جێرمی فیلمینگ به‌ڕێوه‌به‌ری ده‌زگای هه‌واڵگری به‌ریتانیا رایگه‌یاندبوو، ئه‌و هێرشه‌ی كه‌كراوه‌ته سه‌ر سكریپاڵ و كچه‌كه‌ی ئه‌وه‌ده‌رده‌خات كه حكومه‌تی روسیا گوێ به هیچ یاسایه‌كی نێوده‌وڵه‌تی نادات.
سكریپاڵ دیبلۆماتكارێكی پێشووی روسیایه رۆژی 4ی مانگی رابردوو خۆی و كچه‌كه‌ی له‌دۆخێكی ته‌ندروستی خراپدا له‌ناوچه‌یه‌كی باشوری به‌ریتانیا دۆزرانه‌وه.
خوێندراوەتەوە897