رێكخراوی یۆرۆ كۆنترۆڵ هۆشداری ده‌داته كۆمپانیاكانی فڕۆكه‌وانی
یۆرۆ كۆنترۆڵ: پێده‌چێت له 72 كاتژمێردا موشه‌كی زه‌مینی‌‌و ئاسمانی له سوریا به‌كاربهێنرێت
یۆرۆ كۆنترۆڵ داوا له‌كۆمپانیاكانی فڕۆكه‌وانی ده‌كات به هۆشیاریه‌وه مامه‌ڵه بكه‌ن
رێكخراوی ئه‌وروپا بۆ سه‌لامه‌تی ئاسمانی یۆرۆ كۆنترۆڵ، هۆشداری ده‌داته كۆمپانیاكانی فڕۆكه‌وانی له باره‌ی ئه‌گه‌ری هێرشی ئاسمانی بۆ سه‌ر سوریا له‌ماوه‌ی 72 كاتژمێری داهاتوو.
رێكخراوی یۆرۆ كۆنترۆڵ، له‌ماڵپه‌ری فه‌رمی خۆیدا بلاَویكردو‌وه‌ته‌وه، پێده‌چێت له‌ماوه‌ی 72 كاتژمێردا موشه‌كی زه‌مینی‌‌و ئاسمانی یاخود موشه‌كی كروز به‌كاربهێنرێت‌و ئه‌گه‌ری ئه‌وه هه‌یه ئامێره‌كانی په‌یوه‌ندیكردن به شێوه‌ی پچڕ پچڕ ته‌شویشیان بچێته سه‌ر.
رێكخراوی یۆرۆ كۆنترۆڵ، داواشی له كۆمپانیاكانی فڕۆكه‌وانی كرد‌ووه، به هۆشیاریه‌وه مامه‌ڵه له‌گه‌ڵ پلانی گه‌شته‌كانیان بكه‌ن، به تایبه‌تی گه‌شته‌كانیان بۆ رۆژهه‌لاتی ناوه‌ڕاست.
ئه‌و هۆشداریه‌ی رێكخراوی ئه‌وروپا بۆ سه‌لامه‌تی ئاسمانی دوای ئه‌وه دێت، ئه‌نجومه‌نی ئاسایشی نێوده‌وڵه‌تی شكستیهێنا له ده‌ركردنی بڕیارێك له باره‌ی هێرشه كیمیاییه‌كه‌ی شارۆچكه‌ی دوما.
خوێندراوەتەوە98