ئه‌ڵمانیا: كه‌سێك به ئۆتۆمبێلێك خۆی كرد به‌ناو ژماره‌یه‌ك خه‌ڵكی سڤیلدا
پۆلیس: له‌و رووداوه‌دا 3كه‌س كوژران‌و ژماره‌یكی زۆریش برینداربوون
ئه‌ڵمانیا: رووداوه‌كه له‌شاری مونسته‌ری رۆژئاوای ئه‌و وڵاته روویدا
له‌شاری مونسته‌ری رۆژئاوای ئه‌ڵمانیا، كه‌سێك به ئۆتۆمبێل خۆی كرد به‌ناو ژماره‌یه‌ك سڤیلدا، به‌و هۆیه‌وه 3 كه‌س كوژران‌و زیاتر له 20 كه‌سیش برینداربوون.
هه‌ربه‌رت رۆیل، وه‌زیری ناوخۆی هه‌رێمی نۆرد راین فستفالیای رۆژئاوای ئه‌ڵمانیا رایگه‌یاند: له كاتێكدا چه‌ندین كه‌سی سڤیل له‌به‌رده‌م یه‌كێك له چێشتخانه‌كانی شاری مونسته‌ر دانیشتبو‌ون، كه‌سێك به ئۆتۆمبێلێكی جۆری ڤان خۆی كردووه به نێویاندا.
وه‌زیری ناوخۆی هه‌رێمی نۆرد راین فستفالیای رۆژئاوای ئه‌ڵمانیا راشیگه‌یاند: ئه‌و كه‌سه‌ی هێرشه‌كه‌ی كردووه به ره‌گه‌ز ئه‌ڵمانیه‌و هیچ باكگراوه‌ندێكی ئیسلامی نه‌بووه.
ئاژانسه‌كان باس له‌وه ده‌كه‌ن، كه ئۆتۆمبێله‌كه جۆری ڤان بووه‌و، شۆفێره‌كه هیچ پێشینه‌یه‌كی تری نیه‌‌و، دوای رووداوه‌كه‌ش خۆیكوشتووه.
خوێندراوەتەوە77