تایمز هۆشداریی ده‌دات له‌كشانه‌وه‌ی خێرای سوپای ئه‌مریكا له‌سوریا
تایمز: كشانه‌وه‌ی خێرا له‌به‌رژه‌وه‌ندی ڕكابه‌ره‌كانی ئه‌مریكادایه
تایمز: مۆسكۆ و ئه‌نكه‌ره‌و تاران كۆكن له‌سه‌ر په‌راوێزخستنی ئه‌مریكا
ڕۆژنامه‌ی تایمز له‌ژماره‌ی ئه‌مڕۆدا ئاماژه‌ی به‌وه‌داوه كه كشانه‌وه‌ی سوپای ئه‌مریكا له‌سوریا، بوارێكی باش ده‌دات به‌توركیاو ڕوسیا و ئێران تا سه‌ركه‌وتنیان له‌به‌رامبه‌ر ئه‌مریكا ڕابگه‌یه‌نن، ئه‌وه جگه له‌وه‌ی كاره‌ساتێكی مرۆیی ده‌خوڵقێنێ.
ڕۆژنامه‌كه ئاماژه به‌كۆبونه‌وه باڵاكه‌ی دوێنێی ئه‌نكه‌ره له‌نێوان ڕوسیا و توركیا و ئێران ده‌دات و ده‌ڵێت، ئه‌و سێ وڵاته كۆبونه‌وه بۆ یه‌كخستنی هه‌وڵه‌كانیان تا پارێزگاریی له‌ده‌سه‌ڵاته‌كه‌ی به‌شار ئه‌سه‌د بكه‌ن.
ڕۆژنامه‌كه ئاماژه‌ی به‌وه‌شداوه كه تاران و مۆسكۆ و ئه‌نكه‌ره ناكۆكیان هه‌یه، به‌ڵام له‌سه‌ر به‌رژه‌وه‌ندیه‌كانیان و په‌راوێزخستنی ئه‌مریكا له‌ڕۆژهه‌ڵاتی ناوڕاست كۆكن.
خوێندراوەتەوە1090