ته‌قه له باره‌گای سه‌ره‌كی یوتوب ده‌كرێت‌و چوار كه‌س ده‌بێته قوربانی
سه‌رچاوه‌كانی هه‌واڵ بڵاویان كردۆته‌وه، ته‌قه له باره‌گای سه‌ره‌كی ماڵپه‌ڕی یوتوب كراوه‌و، به‌و هۆیه‌وه سێ كه‌س برینداربوون.
میدیاكان له زاری سه‌رچاوه‌كانی پۆلیس بڵاویانكرده‌وه، ژنێك له باره‌گای سه‌ره‌كی یوتوب له باكوری كالیفۆڕنیا سێ كه‌س بریندار ده‌كات‌و دواتر خۆی ده‌كوژێت.
سه‌رچاوه‌كانی پۆلیس ئاماژه به‌وه ده‌كه‌ن، لێكۆڵینه‌وه له رووداوه‌كه ده‌ستیپێكردوه‌و به دوای هۆكاری پێشت رووداوه‌كه‌وه‌ن.
هێزه ئه‌منیه‌كانیش پێشتر، دوایان له هاوڵاتیان كردبوو، ده‌وروبه‌ری شوێنی رووداوه‌كه چۆل بكه‌ن.
دۆناڵد تره‌مپ، سه‌رۆكی ویلایه‌ته یه‌كگرتووه‌كانی ئه‌مریكا، له تویتتێكدا رایگه‌یاند: زانیاری له‌باره‌ی رووداوه‌كه‌وه پێگه‌یشتوه‌و بارودۆخه‌كه كۆنتڕۆلَكراوه‌و، سوپاسی هێزه ئه‌منیه‌كانی ئه‌و ناوچه‌یه‌یه‌شی كردووه.
خوێندراوەتەوە406