كۆمسیۆن: لە دوو رۆژی داهاتوودا ئەنجامی كۆتایی هه‌ڵبژاردن رادەگەیەنین
كۆمسیۆنی سه‌ربه‌خۆیی هەڵبژاردنەكانی عێراق ڕایگه‌یاند، له دوو رۆژی داهاتوودا ئەنجامی كۆتایی هه‌ڵبژاردن رادەگەیەنن.
كۆمسیۆن وتی، تا ئێستا 186 وێستگە لە كەركوك ئەنجامیان نەناردووە و ژمارەیەك لە كارمەندەكانمان لە كەركوك و داقوق دەستبەسەرن.
كۆمسیۆنی هەڵبژاردنەكان ئه‌وه‌شی وت، هەندێك بنكەی دەنگدان لە كەركوك لەلایەن لایەنێكی سیاسیەوە گەمارۆدراون.
كۆمسیۆنی هەڵبژاردنەكان ئه‌وه‌شی وت، به‌پێی یاسا ده‌نگه‌كان به‌ده‌ست هه‌ژمار ناكرێنه‌وه.
پێشتریش سه‌عید كاكه‌یی، ئه‌ندامی ئه‌نجومه‌نی كۆمسیارانی كۆمسیۆنی هه‌ڵبژاردنی سه‌ربه‌خۆیی هه‌ڵبژاردنه‌كان ڕایگه‌یاند، داوا ده‌كه‌ین ده‌نگه‌كان به‌ده‌ست هه‌ژمار بكرێنه‌وه.
ئه‌وه‌ش له‌كاتێكدایه دەزگای هەڵبژاردنی شەش لایەنی سیاسی ڕایانگه‌یاند، لە هەڵبژاردندا ساختەكاریی گەورە كراوە و ناڕەزایەتییەكان بۆ بەردەم بارەگای یوئێن دەگوازینەوە و ده‌ڵێن، ئەنجامی هەڵبژاردن قبوڵناكەین.
هاوكات ئارام جەمال، بەڕێوەبەری پەیمانگەی كوردی بۆ هەڵبژاردن ڕایگه‌یاند، نابێت لە دەنگدان ساردبینەوە و وتی، بۆ ئەوەی پەنا بۆ رێگای تر نەبرێت دەبێت تانەی لایەنە سیاسیەكان بەهەند وەرگیرێت.
خوێندراوەتەوە976