کوردستان

هەولێر؛ لە دژی ساختەكاری لە هەڵبژاردنی 12ی ئایار خۆپیشاندان كرا

خۆپیشاندەران: دەبێت ویژدان زیندوەكان لە ئاست ساختەكاریەكان هەڵوێستیان هەبێت ‌


خۆپیشاندەران: دەبێت ویژدان زیندوەكان لە ئاست ساختەكاریەكان هەڵوێستیان هەبێت 

 هاوڵاتیان و بەرپرسانی لایەنە سیاسیەكان لە هەولێر  لە دژی ساختەكاریەكانی یەكێتی و پارتی  لە هەڵبژاردنی 12ی ئایار خۆپیشاندانیان كرد.

خۆپیشاندانەكە لەبەردەم بارەگای نەتەوەیەكگرتووەكان بوو لە هەولێر جگە لە هاوڵاتیان ئەندامان و بەرپرسانی پێنج لایەنی سیاسی بەشداریان كرد و ئەنجامی ساختەكاری هەڵبژاردنیان رەتكردەوە.

خۆپیشاندەران رایانگەیاند، لە هەڵبژاردنەكەی 12 ی ئایاردا لە كەركوك و سلێمانی و هەولێرو دهۆك ساختەكاریەكی زۆر لە بەرژەوەندی پارتی و یەكێتی كراوە و دەبێت دوبارە هەڵبژاردنێكی دیكە لەو چوار پارێزگایەدا بكرێتەوە.

داواشیانكرد، نەتەوە یەكگرتوەكان و كۆمەڵگەی نێودەوڵەتی هەڵوێستی هەبێت و  هاوڵاتیانی هەرێم و مرۆڤە ئازادیخواز و ویژدان زیندوەكانیش بۆ رەتكردنەوەی ئەنجامەكانی هەڵبژاردن درێژە بە خۆپیشاندان و خەباتی مەدەنی بدەن.

تێبینی بنوسە

خوێندراوەتەوە384