كۆمسیۆنی هەڵبژاردنەكانی عێراق ئەنجامی هەڵبژاردنی لە 10 پارێزگا راگەیاند
كۆمسیۆن: لە هەشت پارێزگا پرۆسەی وردبینیی و جیاكردنەوەی دەنگەكان تەواو نەبو‌وە
كۆمسیۆنی هەڵبژاردنەكانی عێراق ئەنجامی بەرایی هەڵبژاردنی لە 10 پارێزگا راگەیاند، لە هەشت پارێزگاش بەهۆی تەواو نەبو‌ونی پرۆسەی وردبینی و جیاكردنەوەی دەنگەكان و سكاڵایەكی زۆری لایەنە سیاسیەكان راگەیاندنی ئەنجامە بەراییەكان دواخرا.
كۆمسیۆن لە كۆنفرانسێكی رۆژنامەوانیدا رایگەیاند، لە هەولێرو سلێمانی و دهۆك و كەركوك و نەینەواو سەڵاحەدین و میسان و نەجەف، راگەیاندنی ئەنجامی بەرایی هەڵبژاردنەكان دواخراوە.
بەرپرسانی كۆمسیۆن راشیانگەیاند: دەنگی رەوەندی عێراقی لە دەرەوەو دەنگی هێزە ئەمنیەكان و زیندانیانیش هێشتا ئەژمار نەكراوە.
بەهۆی رەتكردنەوەی ئەنجامی هەڵبژاردنەكان بەتایبەتیی لەپارێزگاكانی هەولێرو سلێمانی و دەوروبەری لە لایەن زۆربەی لایەنە سیاسیەكانی هەرێمی كوردستان جگە لە دەسەڵات، كۆمسیۆن چەند لیژنەیەكی پێكهێناوەو رەوانەی ئەو ناوچانەی كردووە كەباس لەساختەكاریی و پێشێلكاریی دەكرێت.
خوێندراوەتەوە2066