كۆمسیۆن لیژنە بۆ هەولێر و سلێمانی و كەركوك و دەشتی نەینەوا دەنێرێت
كۆمسیۆنی باڵای سه‌ربه‌خۆیی هه‌ڵبژاردنه‌كان ڕایگه‌یاند، لیژنە بۆ هەولێر و سلێمانی و كەركوك و دەشتی نەینەوا دەنێرێت و لەساختەكاریی و پێشێلكارییەكان دەكۆڵێتەوە.
ئەمڕۆ یه‌كشه‌ممه كۆمسیۆن وتی، پێشێلكارییەكان بریتین لە ساختەكاریی لەكارتی دەنگدان و پەلاماری بەرفراوان بۆ سەر ناوەندەكانی دەنگدان بەمەبەستی هەڵوەشاندنەوەی ئەنجامی ناوەندەكان.
هه‌روه‌ها وتیشی، هەوڵی پەكخستنی ئامێرەكانی دەنگدان دراوە و بەپێی زانیارییە سەرەتاییەكان چەند كەسێكی سەر بەحیزبەكان بەپلان كاریان بۆ تێكدانی ناوەندەكانی دەنگدان كردووە.
ئه‌وه‌شی وت، ئەو كەسە حیزبیانە ساختەكارییەكی گەورەیان ئه‌نجامداوه.
خوێندراوەتەوە2678