هه‌رێم؛ له 24 % دانیشتوانی هه‌رێم كرێنشتینن
هه‌رێم؛ جیابوونه‌وه‌ی هاوسه‌ره‌كان به‌شێوه‌یه‌كی به‌رچاو زیادی كرد‌ووه
له‌ژێر سایه‌ی حوكمی پارتی و یه‌كێتیدا، ئێستا له 24% دانیشتوانی هه‌رێم كرێنشینن، له كاتێكدا له چه‌ند ساڵی رابردودا نزیكه‌ی 181 هه‌زار مۆڵه‌تی نیشته‌جێبوون به‌وه‌ربه‌رهێنه‌ران دراوه كه ته‌نها 564 یه‌كه‌یان بۆ خه‌ڵكی كه‌م ده‌رامه‌ت بووه، له‌لایه‌كی تره‌وه به‌هۆی قه‌یرانی داراییه‌وه ئاماری جیابو‌ونه‌وه‌و ته‌ڵاق هاوتای پرۆسه‌ی هاوسه‌ر گیری بۆته‌وه.
خوا نه‌كات ئه‌م حكومه‌ته به‌شتێكه‌وه بیگرێت فه‌رموو هه‌ر دێنه سه‌ر شاشه‌ی تیڤیه‌كان ئیتر خواوه‌كیلی پیا ده‌كێشن، ئه‌وه‌نده گوندمان ئاوه‌دان كردۆته‌وه جارێ له‌گونده‌كان هه‌رچی كاری خوایی‌و شتی سروشتیشه ئه‌وان كردویانه به ده‌ستكه‌وتی خۆیان، جاله‌وه گه‌ڕێ.
دێن ده‌ڵێن دابینكردنی سه‌قامگیری و ئاسایش، ئه‌میشیان موباله‌غه‌یه‌كی گه‌وره‌یه خوا ئاگاداره، ئه‌میان دولایه‌نه‌یه یه‌كه‌م شه‌ونخونی هێزه ئه‌منیه‌كان كه ئه‌مه فڕی به ئێوه نیه دووه‌م وریا‌و هۆشیاری خه‌ڵك چاوكراوه‌ییانه، جا ئه‌وه له‌وه‌گه‌رێ ئای چی حه‌شرێك به ئازادی و دیموكراسی ده‌كه‌ن، كه له‌راستیدا له دروشم تێنه‌په‌ڕیوه جا ئه‌وه رێبوارێك رێی بكه‌وێته ئه‌م وولاته به‌غیلی مان پێده‌بات ده‌ڵێت: وه‌ڵا ئه‌م ووڵاته راسته نانیان نیه به‌س شكور بۆخوا به‌س نیه ئازادیان هه‌یه نازانێت، كه داوای نان ئه‌كه‌ین به شه‌ق تێمان ئه‌كه‌ون كه داوای ئازادیش ده‌كه‌ین دوای مانگێگ له كوچی زیندانێكدایت.
ئه‌م پارتی ویه‌كێتیه، چونكه له فیكه‌ی یه‌كتری تێده‌گه‌ن خوا هه‌ڵناگرێت هه‌روه‌ك یه‌ك به‌عه‌داله‌ت، هه‌رچی نه‌هامه‌تیه به‌سه‌ر تاك به تاكی ئه‌م كۆمه‌ڵگه‌یه‌دا دابه‌شیانكردووه، فه‌رموو بزانن له دوای 27 ساڵ كه هه‌ر به‌ده‌م خۆشه‌و رێك ته‌مه‌نێكه وه‌ره كاكه تۆ یه‌ك چاره‌كه سه‌ده ده‌سه‌ڵاتت له ده‌ستدابێت كه‌چی لایه‌كی وولاته‌كه‌ت كرێچیبین.
ئێمه له زاری به‌رهه‌م قه‌ره‌داغی سكرتێری كۆمه‌ڵه‌ی كرێنشینان ده‌گێڕینه‌وه كه زیاترله 24 % دانیشتوانی هه‌رێم كرێنشینن، سه‌یركه‌ن له‌به‌رامبه‌ردا زیاتر له 181 هه‌زار مۆڵه‌ت دراوه به‌دروستكردنی یه‌كه‌ی نیشته‌جێبوون، به‌ڵام موعجیزه‌كه له‌مه‌دایه له‌و 181 هه‌زار یه‌كه‌یه ته‌نها 564 یه‌كه‌ی نیشته‌جێبوون بۆ خه‌ڵكی هه‌ژارو كه‌مده‌رامه‌ت بووه، ئه‌ویش بۆناوی خوا بۆئه‌وه‌ی گله‌یی نه‌كه‌ن بڵێن حكومه‌ت هیچی نه‌كردووه.
جا كاره‌ساتێكی تركه شیرازه‌ی ئه‌م كۆمه‌ڵگه‌یه‌ی هێناوه‌ته لێواری داڕمان سه‌یركه‌ن، بزانن به‌پێی ئاماره نافه‌رمیه كان له‌م دادگای سلێمانیه ئه‌گه‌ر له‌رۆژێكدا سه‌د كه‌س سه‌ردانی دادگای باری كه‌سی بكات 70 كه‌سی دۆسیه‌ی جیابو‌ونه‌وه‌یه ته‌نها سی كه‌سی پرۆسه‌ی هاوسه‌ر گیری ده‌كات واته ساڵانه له ته‌نها دادگایه‌ك ئه‌گه‌ر ئاماره‌كان وه‌ربگیرێن وه‌ك نمونه‌یه‌ك به‌نزیكه‌یی له هه‌ر 100 كه‌سێك كه بۆ پرۆسه‌ی جیابو‌ونه‌وه و هاوسه‌رگیری سه‌ردانی دادگا ده‌كه‌ن، 68 یان بۆ جیابو‌ونه‌وه‌یه، وه‌ك پارێزه‌رێك ده‌لێت قه‌یرانی دارایی تێكچونی ته‌ونی كۆمه‌ڵایه‌تی یه‌كێكه له‌هۆكاره‌كانی تێكچونی شیرازه‌ی خێزانه‌كان.
ره‌بی خوا له‌ده‌ستت به‌زیاد بكات جابه‌س نیه ئه‌و خێره‌شمان پێده‌كه‌یت، ئه‌وه هه‌مو جارێك كه دۆعایه‌ك ده‌كرێت بۆئێوه ئه‌وه‌یه كه‌ده‌لێت خوا ده‌ست به‌باڵاتانه‌وه بگرێت .. ئاخر ئێوه له‌پای چیدا ئه‌م خێرو سه‌ده‌قه‌یه به‌م حكومه‌ته ده‌كه‌ن خوا به‌رداریی نیه وولات هی خۆت نه‌وت هی خۆت خاك هی خۆت بێت كه‌چی به‌خێرو سه‌ده‌قه ده‌یده‌نه‌وه‌به چاو ئه‌م میلله‌ته‌دا.
خوێندراوەتەوە235