به‌رپرسی گشتی ئۆفیسی هه‌ولێری كۆمسیۆنی هه‌ڵبژاردن له كاره‌كه‌ی دوورخرایه‌وه
سه‌رچاوه‌یه‌ك: به‌هۆی پابه‌ندنه‌بوونی به رێنماییه‌كانی كۆمسیۆن عه‌لی قادر دوورخراوه‌ته‌وه
عه‌لی قادر به‌رپرسی گشتی ئۆفیسی هه‌ولێری كۆمسیۆنی باڵای سه‌ربه‌خۆی هه‌ڵبژاردنه‌كانی عێراق له كاره‌كه‌ی دوورخرایه‌وه و جێگره‌كه‌ی كاره‌كانی به‌ڕێوه ده‌بات..
سه‌رچاوه‌یه‌ك له كۆمسیۆنی باڵای هه‌ڵبژاردنه‌كانی عێراق، تایبه‌ت به KNNی راگه‌یاند، به‌هۆی ئه‌وه‌ی پابه‌ندی رێنمایی و راسپارده‌كانی كۆمسیۆنی باڵای سه‌ربه‌خۆی هه‌ڵبژاردنه‌كانی عێراق نه‌بووه، بڕیاردراوه عه‌لی قادر به‌رپرسی گشتی ئۆفیسی هه‌ولێر له كاره‌كه‌ی دوور بخرێته‌وه..
ئه‌و سه‌رچاوه‌یه وتیشی: له ئێستادا جێگره‌كه‌ی تا دوای هه‌ڵبژاردن كاره‌كان به‌ڕێوه‌ده‌بات..
پێشتر كۆمسیۆنی باڵای سه‌ربه‌خۆی هه‌ڵبژاردنه‌كان چه‌ندین رێوشوێنی توند و رێنمایی نوێی له‌پێناوی رێگریكردن له ساخته‌كاریی گرتوه‌ته به‌ر، به‌ڵام دیاره ئه‌و به‌رپرسه له شاری هه‌ولێر پابه‌ند نه‌بووه، هه‌ر بۆیه به‌زۆر رێكاره نوێیه‌كان جێگیركران.
خوێندراوەتەوە2792