ئه‌نجومه‌نی نوێنه‌رانی عێراق سزای سه‌ر بانكه‌كانی هه‌رێمی كوردستانی هه‌ڵگرت
ئه‌نجومه‌نی نوێنه‌رانی عێراق بڕیاریدا بانكی ناوه‌ندی عێراق سزای سه‌ر بانكه‌كانی هه‌رێم هه‌ڵبگرێت كه نزیكه‌ی سێ مانگه به‌سه‌ریاندا سه‌پێنراوه.
له كۆبونه‌وه‌ی ئه‌مڕۆیدا و به‌زۆرینه‌ی ده‌نگی ئه‌ندامانی، ئه‌نجومه‌نی نوێنه‌رانی عێراق بڕیاریدا بانكی ناوه‌ندی سزا ئابورییه‌كانی له‌سه‌ر بانكه‌كانی هه‌رێم هه‌ڵبگرێت كه له دوای ئه‌نجامدانی ڕیفراندۆمه‌وه به‌سه‌ریاندا سه‌پێنرابوو.
ئه‌و بڕیاره له كاتێكدایه 7 تشرینی دووه‌می ساڵی ڕابردوو بانكی ناوه‌ندی عێراق داوای له هه‌موو ئه‌و بانكه ئه‌هلی و حكومیانه كرد كه لقیان له هه‌رێمی كوردستان هه‌یه كاره‌كانیان هه‌ڵپه‌سێرن.
له درێژه‌ی ئه‌و سزایانه‌شدا بانكی ناوه‌ندی عێراق فرۆشتنی دراوی بیانی به بانكه‌كانی هه‌رێم و ئه‌و بانكانه‌شی لقیان له هه‌رێم هه‌یه ڕاگرت, ئه‌وه‌ش به‌زیانێكی گه‌وره بۆ بازاڕی دارایی هه‌رێمی كوردستان شكایه‌وه.
خوێندراوەتەوە1108