هەفتەی هەڵمەتی كوتانی جیهانی دەستیپێكرد

‌

گرنگی كوتان وای لە ڕێكخراوی تەندروستی جیهانی كردووە، ساڵانە هەڵمەتی هەفتانەی كوتان ئەنجام بدات، هەڵمەتەكەی ئەمساڵیش ڕۆژی 24ی ئەم مانگە دەستی پێكردووە و تا 30 مانگ بەردەوام دەبێت.

بەپێی نوێترین ئاماری WHO نزیكەی 19 ملیۆن و 500 هەزار منداڵی كۆرپە بێبەشن لە هەڵمەتە سەرەكییەكانی كوتان، هەروەها %86 ئەو كەسانە، دوای ئەوەی بەرامبەر نەخۆشییەكی دیاریكراو كوتراون، نەتوانراوە هەڵمەتەكە تا كۆتایی لایان بەردەوام بێت.

​
ڕێكخراوی تەندروستی جیهانی باسی لەوە كردووە، مەبەستی لە ئەنجامدانی هەڵمەتەكە ، پاراستنی تاكی خێزانە لەڕێی كوتانەوە، ناونیشانی هەڵمەتەكەی ئەمساڵیش بریتییە لە هەمووان پارێزراوین.

​
WHO باس لەوەش دەكات كە خەرجكردنی هەر دۆلارێك لە بەرهەمهێنانی دەرمانی كوتاندا بە قازانجێكی زۆر دەشكێتەوە، كە دەگاتە 44 دۆلاری ئەمریكی، بەو پێیەی لەڕێی كوتانەكەوە مرۆڤ دەبێتە خاوەنی تەندروستییەكی باشتر و بڕێك پارەی كەمتر كەلە دروستكردنی دەرمانی چارەسەری پزیشكیدا خەرج دەكرێت.