ئەمازۆن بووە دووەم گەورە كۆمپانیای دەوڵەمەندی جیهان
كۆمپانیای ئەمازۆنی ئەمریكی، پێش كۆمپانیای ئەلفابێتی گوگڵ كەوت و ڕیزبەندی دووەمی لەسەر ئاستی جیهان وەرگرت.
پشكەكانی ئەمازۆن لە بۆرسەی نیویۆرك بەڕێژەی 7%2 زیادیكردوو بەهای پشكەكانی لەكاتی داخستنی بازاڕدا گەیشتە 768 ملیار دۆلار، هاوكات بەهای پشكەكانی ئەلفابێت بەڕێژەی لەسەدا سفرو پۆینت چوار دابەزی، بەوەش بەهای پشكەكانی بۆ 761 ملیار دۆلار دابەزیوە‌و، بەم ئەنجامەش ئەمازۆن پێش ئەلفابێت كەوت.
بەهۆی زیادبوونی نرخی پشكەكانیشەوە، سامانی جێف بیزۆسی بەڕێوەبەری ئەمازۆن سێ ملیار دۆلار زیادیكردوە كە لەئێستادا یەكێكە لەكەسە دەوڵەمەندەكانی جیهان‌و خاوەنی لەسەدا 17ی پشكەكانی ئەمازۆنە.
كۆمپانیای ئەپڵی بواری تەكنەلۆجیای ئەمریكی لە ئێستادا بەهای پشكەكانی 889 ملیار دۆلارەو یەكەمە لەسەر ئاستی جیهان.
خوێندراوەتەوە456