بابه‌كر دڕه‌یی

پارتی و پەرلەمان ... ‌


پارتی تەنیا لە سەرۆكی پەرلەمان نەچوە بە قینا و گەڕی لە پۆستەكەی ئەو نەهاڵانوە و شەڕ بەو نافرۆشێ، گەر پێمان وابێ پارتی شەڕەكەی تەنها لە سەر پۆستی سەرۆكی هەرێمە هەڵەیەكی سیاسی گەورەمان كردوە چونكە سەركردایەتی پارتی بە ئەندازەی پێچەقاندنیان بۆ لابردنی د یوسف بە هەمان ئەندازەش دەیانەوێ پەرلەمانی كوردستان لەكار بخەن و بە كردەوەش ئێستا لە كاریان خستوەو ئیفلیجیان كردوە ئەزانن بۆچ؟

چونكە لەم دەورەیەی پەرلەماندا یاسادانەرانی گۆڕان و یەكێتی و و یەكگرتو كۆمەڵ توانیویانە ژمارەیەكی زۆر باش یاسا پەسند بكەن كە هیچیان بە دڵی برایانی پارتی نەبون... ئەسڵەن لە كۆی ١٨ یاسای پەسندكراو پارتی تا مۆخی ئێسقان دژی ٨ یاسا ڕاوەستاوەو ئەوەی بۆی كراوە بۆ پەسندنەكردنیان ئەنجامی داوە و لەوانەش یاسای بودجەی حزبەكان و یاسای خۆنیشاندان و یاسای كۆمیسیۆنی هەڵبژاردن و زۆری تریش...

كەواتە مەسەلەی پارتی تەنێ دكتور یوسف نییە، بەڵكو خودی ئەو یاسایانەن كە لایەنە عەدالەتخوازو ڕادیكال و دیموكراتەكانی كۆمەڵگای كوردستان ویستویانەو دەیانەوێ ئەم وڵاتەی پێ ببەنە پێشەوەو و پارتی دەیەوێ ڕێێیان پێ بگرێ...

بزانن! پارتی بەرامبەر هەمو هێزە پێشكەوتنخوازەكان وەستاوە، بەڵام دەیەوێ وا نیشان بدات كە لەگەڵ یەك تاقە كەس كێشەی هەیە...
ئەوەش فێڵێكی گەورەیە نابێ بەسەرمانا تێپەڕێت.

خوێندراوەتەوە2933