بابه‌كر دڕه‌یی

كێ شیرینی فرۆشتنی موسڵ وەردەگرێ؟‌


توركیا بەدەست ئەردۆگان و تاقمەكەیەوە خراپی بەسەر هاتوە.....لە باری سیاسەتی ناوخۆوە:
١- كێشەی لەگەڵ كورد و چەپەكان و سۆفیە میانڕەوەكانی فتح اللە گولەن هەیە.

٢-كێشەی لەگەڵ میدیای ئازاد گەیوەتە ئاستیك كە دۆستە هەرە نزیكەكانی لێی نیگەرانن.

٣-گرفت و كۆنەقینی لەگەل دەزگای سەربازی هەر بەردەوامە.

لە ئاستی ئیقلیمی و جیهانیدا گرفت و كێشەی لەگەڵ سوریاو عیراق و ئێران و ڕوسیا و زۆرینەی كوردی عیراق هەیە،
توركیای ئەردوگان وای بە باش زانیوە هێزێكی گەورەی عەسكەر بنیرێتە نزیك شاری موسڵ!

بە بڕوای من هێنانی هێزبە مانای تێوەگلانی تەواوی حكومەتی توركیایە لە گەمەیەكی ناعەقڵانی و پێچەوانە لەگەڵ ئاراستەی دژایەتی تیرور كە لە ناوچەكەو دنیادا بە وردی بەرنامەی بۆ دائەنرێت.

بەڵام گەر بە لۆجیكی خەیاڵپڵاوی عوسمانلی-ئەردۆگانی سەیری دیمەنەكە بكەین هەبونی هێز لە نزیك موسڵ كۆمەڵێ قازانجی بۆ تاقمی فاشیستی ئەردۆگان تیایە:

یەكەم:لە نزیكەوە ئاگای لە داعشی موسڵ ئەبێت و ئەیانپارێزێت;

دوەم: سنوری كوردی خورئاوا تەسك دەكاتەوەو بە قورسی تەنگیان پێ دەچنێ و هەوڵی ڕوخاندنی كانتۆنی جزیرەو كانتۆنەكانی تر ئەدات.

سێهەم: بە زوترین كات هەوڵ ئەدات ئەو بازرگانیەی لەگەڵ داعش هەیبو وبەهۆی هاتنی روسیا بۆ ناو جەنگی داعش لێیی تێكچوە بە دزینی نەوتی دەوروبەری موسڵ و نزیك سنوور پڕ بكاتەوە...

چوارەم: هەوڵئەدات فەوزای ناوچەكە هەرچی زیاتر خەست بكاتەوە لە سەر بناغەی ڕیسای ” لە ئاوی قوڕاودا ماسی باشتر ڕاو دەكرێت”

توركیا بە نیازی ئەو بەرنامەیەیە و ڕۆژانی داهاتوش ڕوداوەكان ڕونتر دەبنەوە...بەڵام گرنگە بزانین كێ شیرینی فرۆشتنی ناوچەیەكی موسڵی وەرگرتوە؟؟

خوێندراوەتەوە1686