زانست

داهێنانی نوێ...چه‌تری‌ ژیر پێش باران بارین خاوه‌نه‌كه‌ی‌ ئاگادار ده‌كاته‌وه‌

دیزاینەرێكی فەڕەنسی چه‌ترێكی‌ ژیری دروستكردووەو ناوی ناوە (Oombrella)، كە دەتوانێت خاوەنەكەی پێشوەختەو بە ماوەی 15 خولەكدا لە ئەگەری بارانبارین ئاگاداربكاتەوە.

ئاگاداركردنه‌وه‌كه‌ بەهۆی دانانی كەپسوولەیەكی ئەلیكترۆنی پێشكەوتووه‌، لەنێو دەسكەكەی كە چەند یەكەیەكی هەستپێكردنی پلەی گەرمی و پەستانی هەواو رادەی شێی لەخۆگرتووە.

ئەم چه‌تره‌ بەهۆی (Bluetooth) بە چەند ئامێرێكی دیكەش دەبەسترێتەوە‌و بەهۆی ئەپلیكەیشنێكەوە كۆنتڕۆڵ دەكرێت و لە رێگەی مۆبایل‌و لاپتۆپەوە دەتوانرێت داتایەكانی لەلایەن بەكارهێنەرەوە بخوێنرێتەوە، ئەوكاتەو پێش ئەوەی بە 15 خولەكە لە ماڵەوە دەربچێت خاوەنەكەی لە ئەگەری بارانبارین ئاگاداردەكاتەوە.

زیاتر لەوەش، شوێنێكی تایبەت لەو چه‌تره‌دا هەیە دەكرێت كامێراكانی جۆری (GO PRO) شی لەسەردا ببەسترێت‌و خاوەن پەیكەرێكی زۆر بەتینەو بەرگەی بایە بەهێزەكان دەگرێت‌و سیمایەكی زۆر جوانیشی هەیە.

چه‌تری‌ (Oombrella) دەتوانێت داتای تەواو بەخاوەنەكەی بدات بەژمارەی ئەو رۆژانەی كە تیایدا بارانی تێدا باریوە، لەگەڵ ماوەی بەكارهێنانی‌و باری كەش‌و هەوای ئەو شوێنانەی كە بۆی چووە، هەروەها بەستراوەتەوە بەسیستەمی خزمەتگوزاری كەشناسی ناسراو بە (ویزۆ) كە 200.000 بەكارهێنەری هەیە.

لەگه‌ڵ كاركردنی وەك وێستگەیەكی بچووكی كەشناسی، دوای بەستانی بە مۆبایلە ژیرەكانەوە، (Oombrella) خاوەنەكەی لە هاتنی نامەو پەیوەندییەكانیش ئاگادار دەكاتەوە ئەگەر هاتوو ئەو كەسە بەهەر هۆیەك بێت ئاگاداری مۆبایلەكەی نەبێت.

ئەم بەرهەمە ناوازەیە هێشتا لەرێگەی دەزگای (كیك ستارز) ەوە پەرەی پێدەدرێت، بەپێی پێگەی (ئینگادگێتی ئەلیكترۆنی بۆ هەواڵە تەكنیكییەكان)، پێشبینی دەكرێت دوای تەواوبوونی هەر هەموو لایەنە ئەلیكترۆنی ‌ومیكانیكییەكانی، نرخەكەی لە 30 دۆلاردا تێنەپەڕێت.

س: كه‌شناسی‌ هه‌رێم

تێبینی بنوسە

خوێندراوەتەوە1463