زانست

ناسا مانگێكی ده‌ستكردی كه‌شناسیی ره‌وانه‌ی بۆشایی ئاسمان كرد

ده‌زگای فڕۆكه‌وانی و گه‌ردوونناسیی ئه‌مریكا NASA، یه‌كێك له‌ پێشكه‌وتووترین مانگه‌ ده‌ستكرده‌كانی كه‌شناسیی ره‌وانه‌ی بۆشایی ئاسمان كرد.

مانگه‌ ده‌ستكرده‌كه‌ كه‌ ناوی GOES-Sه‌ و له‌ڕێگه‌ی مووشه‌كی Atlas Vه‌وه‌ هه‌ڵدراوه‌، بۆ چاودێریكردنی رۆژئاوای ئه‌مریكا نێردراوه‌.

چه‌ندین كه‌ناڵی ته‌له‌ڤیزیۆنی و ده‌زگای كه‌شناسی ئاماده‌ی بینینی هه‌ڵدانی مانگه‌ ده‌ستكرده‌كه‌بوون.

GOES-S دووه‌م مانگی ده‌ستكرده‌ كه‌ له‌ چوارچێوه‌ی پڕۆژه‌یه‌كی 11 ملیار دۆلاریدا نێردراوه‌ته‌ ئاسمان و له‌ڕێگه‌یه‌وه‌ وێنه‌ و دیمه‌نی زریان، ئاگركه‌وتنه‌وه‌ی دارستانه‌كان، كاره‌ساته‌ سرووشتییه‌كانی وه‌ك لافاو، راماڵینی خاک و كاره‌ساته‌كانی دیكه‌ لە رۆژئاوای ئه‌مریكا، به‌خێراترین شێوه‌ بنێرێته‌وه‌ بۆ سه‌ر زه‌وی.

یه‌كه‌م مانگی ده‌ستكردی ئه‌م پڕۆه‌یه‌ كه‌ ناوی GOES-16یه‌، چاودێریی ناوچه‌ی ئه‌تڵه‌نتیک و كه‌ناراوه‌كانی رۆژهه‌ڵاتی ئه‌مریكا ده‌كات.

بڕیاره‌ GOES-S دوای ئه‌وه‌ی له‌ماوی چه‌ند هه‌فته‌یه‌كدا كه‌وته‌ سه‌ر خولگه‌ی خۆی كه‌ له‌به‌رزایی 35 هه‌زار كیلۆمه‌تردایه‌ له‌ هێڵی ئیكواتۆره‌وه‌، ناوی GOES-17ی لێبنرێت.


تێبینی بنوسە

خوێندراوەتەوە161