هەمەڕەنگ

روسیا: مێردمنداڵێك بە تەور هێرشدەكاتە سەر قوتابخانەیەك

مێردمنداڵێك لە روسیا، بە تەور هێرشدەكاتە سەر قوتابخانەیەك ‌و بەهۆیەوە شەش خوێندكار ‌و مامۆستا برینداربوون، پۆلیسیش دەڵێت: مێردمنداڵەكە هەوڵی داوە خۆی بكوژێت، بەڵام دەستگیركراوە.

لە قوتابخانەیەكی شارۆچكەی سۆسنۆڤای باشوری ناوچەی سیبریا، قوتابییەكی پۆلی حەوتەم، هێرشی كردوەتە سەر پۆلەكەی ‌و بەتەور پەلاماری قوتابییەكانی هاوڕێی ‌و مامۆستاكەی داوە.

بە وتەی سەرچاوەكان، لە ئاكامی هێرشەكەكەدا، پێنج خوێندكار ‌و مامۆستایەكی ژن برینداربوون.

پۆلیسی روسیا ئاماژەی بەوەكردوە، مێردمنداڵە بۆمبێكی سوتێنەری فڕێداوەتە ناو پۆلەكەوە ‌و دوای روداوەكەش هەوڵیداوە خۆی بكوژێت، بەڵام لەلایەن پۆلیسەوە دەستگیركراوە.

رونیشكراوەتەوە، هێرشبەرەكە ‌و بریندارەكان، گواستراونەتەوە بۆ نەخۆشخانە، لێكۆڵینەوەش لە رووداوەكە دەستیپێكردوە.

لە ماوەی هەفتەیەكدا، ئەمە دووەمجارە كە هێرشی لەو جۆرە لە روسیادا روودەدات.


تێبینی بنوسە

خوێندراوەتەوە888