هەمەڕەنگ

فەیروز ئەلبومێكی نوێ بڵاودەكاتەوە

گەورە هونەرمەندی عەرەب فەیروز دوای چەند ساڵێك بێدەنگی ئەلبومێكی نوێ بڵاودەكاتەوە و دەبێتە هەواڵی سەرەكی میدیاكان.

ڕیما ڕەحبانی كچی فەیروز لەڕێی پەیامێكەوە لە تۆڕی كۆمەڵایەتی فەیس بووك ئاشكرای دەكات كە ئەلبومە نوێكەی دایكی لەئێستادا لە بازاڕدایە.

ئەلبومەكە ناوی ببالییە و لە 10 تراك پێكهاتووە و كارەكانی لەلایەن ریما ڕەحبانی ئەنجامدراوە، ئەو بەرهەمەش لە چەند كاتژمێرێكی كەمی بڵاوكردنەوەیدا دەنگدانەوەیەكی زۆری هەبووە و بۆتە هەواڵی سەرەكی میدیاكان.

ئەم كارە نوێیەی فەیروز وەرگێڕدراوی چەند گۆرانییەكی جیهانییە، ئەمەش وایكردووە چەند كەسێك ڕەخنە لە ڕەحبانی بگرن بۆ هەڵبژاردنی ئەو گۆرانیانە و ڕەچاونەكردنی پێگە و مێژووی فەیروز لە هونەری عەرەبی و جیهانیدا.

فەیروز  ساڵی 1935 لەدایكبووە و هەر لە تەمەنی 5 ساڵییەوە لە كۆرس و تیپی قوتابخانە دەستی بە گۆرانی وتن كردووە،ساڵی 1952 گۆرانی تایبەت بەخۆی بەرهەم هێناوە، بەهۆی دەنگی تایبەتەكەی  و گۆرانییە ناوازەكانییەوە بۆتە یەكێك لە بەناوبانگترین ئەستێرەكان لە مێژووی عەرەبدا.

 


تێبینی بنوسە

خوێندراوەتەوە1680